Rasim doda – Enkelejda Hoxha
Pak ditë më parë SPAK në një aksion të bujshëm arrestoi gjyqtaren e Krujës Enkelejda Hoxha, e cial lironte nga burgu të dënuarit me burgim të përjetshëm në këmbim të parave.
Ajo u prangos gjatë një séance gjyqësore teksa po lironte të dënuarin për vrasje Sajmir Petaji, ndërsa më parë kishteliruar edhe Genc Tafilin, Ilir Pajën, Indrit Doklen dhe Hekuran Billën.
Në kontrollin që u bë në banesën e saj SPAK gjeti vetëm 10 mijë dollarë, ndërsa në emër të saj nuk ekziston asnjë pasuri tjetër.
Por duket se pas saj fshihet dikush tjetër, ish-burri i saj Rasim doda, edhe ai me profesion gjyqtar. Rasim Doda është ish-gjyqtar në Gjykatën e Sarandës, i dënuar në vitin 2016 me 4 vite e 6 muaj burg për korrupsion.
Doda u ndalua në qershor të 2015 pas marrjes së autorizimit nga Këshilli i Lartë i Drejtësisë. Në dosjen e ngritur kundër tij nga ana e organit të akuzës thuhet se gjyqtari në një çështje civile, ka kontaktuar me njërën prej palëve një ditë para dhënies së një vendimi civil që po e gjykonte dhe në këmbim të vendimit në favor të kësaj pale i ka kërkuar shumën prej 80 mijë eurosh.
Madje, për ta bërë më të besueshëm faktin se vendimi do të ishte në favor të kësaj pale, gjyqtari, një ditë para seancës përfundimtare, i ka vënë në dispozicion palës dispozitivin e vendimit, i cili do të ishte në favor të tij.
